المقادير : 1 كوب دقيق - 1 كوب سكر - ربع معلقه صغيره بيكنج بودر - رشه ملح - 6 بيض - فانيليا - ربع ملعقه كريم تارتار او رشه ملح
الطريقه : _ ننخل الدقيق مع البيكنج مع رشه الملح في طبق عميق ونسيبهم علي جنب
_ نجيب 2 طبق عميق واحد كبير وواحد صغير ونبدا نفصل 3 بيضات بس الصفار نحطه ف الطبق الكبير والبياض نحطه ف الطبق الصغير ونحط ع البياض التارتار او رشه الملح
_ اما الطبق الكبير اللي فيه الصفار هنحط عليهم ال3 بيضات اللي فاضلين كاملين ( يارب تكونوا متلخبطوش وفاهمين ) يا سلام
_ نبدا بقي يا حبايبي نضرب بمضرب الكهربا البياض الاول وواحنا بنضرب نحط ربع كوب سكر من الكوبايه اللي عندنا فوق ونسيب الباقي بس نحط السكر غ البياض بالتدريج ونفضل نضرب حوالي 3 دقايق لما نلاقي البياض نفش اوي وتماسك ولماتوقفي المضرب وتشيليه هتلاقي البياض فيه عامل زي المنقار الطويل ثابت ومبيقعش
_ تحطي المضرب زي ما هو من غير ما تغسلي علي طبق البيض والصفاروبحطي عليه الفانيليا وباقي كوبايه السكر ونضرب بالمضرب كتييييييير حوالي 10 دقايق عشن نملي الكيك هواا
نجيب معلقه بلاستيك كبيره ونحط الدقيق بالتدريج علي 3 مرات علي الصفار المضروب ونقلب من تحت لفوق براحه وندب المعلقه ف قعى الطبق واحنا بنقلب عشان الدقيق بيكون راقد تحت
_ لما الدقيق يختفي خالص نبدا نحط البياض علي مرحلتين ونقلب برضه براحه من تحت لفوق عشان منخرجش الهوا اللي دخلنا لحد ما البياض يندمج مع خليط الكيك
_ نكون محضرين صينيتين صغيرين مدهونين ونحط الحليط بالتساوي مده للي مش بيعرفوا يقسموا الكيك اما لو بتعرفي يبقي حطي في صينيه كبيره
- الفرن 180 لمده ربع ساعه تلت ساعه بالكتيير ولما تطفل الفرن افتحيه وسيبي الكيك جوه 5 دقايق عشان متهبطش
_ لو عايزه الكيك شوكلت شيلي ربع كوب دقيق وحطي بداله كاكاو
_ لما تبرد خالص احشيها وزوقيها علي ذوقك
